Chalo yaar, phir khel khelein

Dhundhli ho gayi hain wajahein ab,

aadat hai ki na baat hoti hai,

lakeerin ab bhi tiki hain, dost,

chalo yaar, phir khel khelein.

Do haar jo humne di tumko,

baarambaar jeete tum humse,

kisse ab main haar jaaun, aur kisko nazar lagaaun,

lakeer ke us paar koi yaar nahi milta.

Aawaazon par bas kood padna,

samay se sikke tod lena,

badi umr tujhse sanwri hai meri,

phir ik eent thamaane ko haath badha.

Khidki puri khuli rehti hai,

koi par ab bulaata nahi,

mere gharaunde mein kyun ab,

paani peene koi aata nahi.

Wo lakeerein ab bhi khinchi hain

chalo yaar, phir hum wo khel khelein

Wajahein phir mil jaayengi shaayad,

un wajahon ke liye hi aao phir khel khelein.